b-day ni Agay

“Bday ni agay 2day diner sa bhay. Ur ol nvited..c u!” binasa ko ang text na nagmula sa kung kanino, dahil hindi nakaregister ung number sa fone.

“sinong agay?” tanong ko sa sarili ko. “at kanino ba tong number?” tanong ko ulit sa sarili.

Hinanap ko sa isa kong fone kung kaninong number un. Pindot hanggang makarating sa search ng contact numbers.

Unang lumabas, “Al Taxi Hamra.” Pindot ko ulit, ayon si al pala at si agay iyong isa pang t’boli…

“What tym? Anong costume?” sagot ko sa text ni Al.

“8pm, pwede na ang long gown.” Balik text ni al.

“Ok thanks, after gym dretso na kami ni vince. Swimsuit attire ko ok lang?” text ko ulit.

Ok lang daw kahit anong costume, ang importante nandun ang barkada. Bihira lang sa mundo na ang mga bading at tomboy magtropa, barkada sa inuman, gimikan at landian.

Pagkatapos naming mag gym ni vince dumaan kami sa saloon dahil susunduin kami ni Al, bibili raw ng alak dahil hindi siya pwedeng pumasok dahil nakauniforme.

Pagdating namin sa bahay nila, umuusok ang buong paligid, di ko alam kung props ba un na parang heaven ang dating? Nag-iihaw pala si kuya George at agay ng baboy.

“happy b-day, dude.” Bati ko kay agay.

“salamat, pasok na kayo at kumain.”

“o nasan ang mga bakla? Akala ko ba nandito na?”

“may pasok si Inah, tinawagan ko si Luna, nakahiga na raw siya, baka humabol.”

“ah ok!” sambit ko nalang.

“Bakit, hindi ka ba tinawagan ni Inah?” tanong ni agay.

“ah hindi, ilang araw naring hindi nagpaparamdam, ang alam ko busy sila ni Luna for hanging out, shopping, and modeling.” Biro ko kay agay habang nakangiti sa kanya.

“bakit nmn kasi biglaan to, dapat maaga palang pinagsabihan mo na kami para nakapagluto ng maaga. Tsaka, dapat lahat nandito.”

“e si al ang me pakana nito, nakahiga na nga ako kanina, e naisip na maghanda.” Paliwanag niya.

Nagsimula ang tagayan sa kwentuhan, huli ng dumating si Donna kasama niya ang isa pang Diosa, sobrang init, para akong mawawalan ng ulirat sa sobrang init ng panahon, o baka sa loob lang ng bahay nila.

Kwentuhan tungkol sa pagkakaibigan… pagkakaibigang tunay, pagkakaibigang plastic, pagkakaibigang laging nanjan, pagkakaibigang kelangan kita ngayon, at marami pang klase ng pagkakaibigan na napagkwentuhan hanggang sa makarating sa relihiyon.

Gaya ng dati, nagyaya na namang umuwi si Vincent, pasado alas-dose na kasi at me tama na siya, ng dumako ang kwentuhan sa relihiyon, naging seryoso si Vincent, naging alerto, pero kulit pa rin ng kulit na umuwi na kami, at bigla ring nag black-out, hudyat narin siguro iyon para umuwi na kami.